СТИХИ О ПРОРОКЕ НА АВАРСКОМ ЯЗЫКЕ

  ХИРИЯВ БИЧАСУЛ РАСУЛ

Авараг с.г1.в. гьавураб рабиг1ул авал ,рач1а нильеца гьеб к1одо гьабизе.
К1удияб ракьалда гьев вокьанщиназ,бит1изин рак1-рак1аль гьесде салават
Салам  дуде буго Бичасул РАСУЛ,хас гьавун АЛЛАГЬАС т1асса вищарав,
Ссалам дуде буго ,я Х1АБИБУЛЛАГЬ ,х1алк1олев БИЧАСУЛ хирияв Т1АГЬА.

Т1олабго махлукъат духъ урхъун руго,дуда абизесеб г1емераб буго,
Мун вокьанщиназул канльи мун вуго,карандасан ц1алеб х1охьел мун вуго,
Рух1ияб рахъальул рахас мун вуго,КЪУРАНАЛДА жаниб аят мун вуго,
АЛЖАНАЛДА жаниб жавгьар мун вуго,жагьилал рак1азе сабаб мун вуго.

ТАВРАТ ИНЖИЛАЛДА,ВА ЗАБУРАЛДА,ЗОДОСАН РЕЩТ1АРАБ ДОБ КЪУРАНАЛДА,
Ц1ар жиндир рехсарав РАСУЛ мун кола,рогьалиль баккулеб бакъги мун кола,
Бакъ т1ерхьун раккулел ц1ваби мун кола,ц1вазбазде гьимулеб моц1ги мун кола,
Моц1гун басандулеб гьури мун  ккола

Дур бицун рехсезе г1асроу г1еларо ,г1араб шиг1руялье щакъи г1еларо,
Щакъи –къаламалье къуват г1еларо ,г1алимзабазецин  гьунар г1еларо,
АЛЛАГЬАСУЛ РАСУЛ, РУСУЛАЗУЛ ХАН ,хиральи ц1иккарав БИЧАСУЛ САЙИД,
Раг1иги г1акъилав ,г1акъло камилав,кашфольи берцинав САЙИДАЗУЛ ХАН.

Барка мун гьавураб рабиг1ул авал,АЛЛАГЬАС ракьалде рах1мат биччараб,
Барка мун гьавураб гьардараб сордо,дур уммат бохараб хирияб авал,
Ханзаби г1одараб ,г1елму бохараб,мун гьавидал нураль дунял гвангъараб,
Муг1рулгин –щобац1а сужда гьабурав,салам дуде буго ,я РАСУЛУЛЛАГЬ.

Я АЛЛАГЬ Я АЛЛАГЬ Я Х1АБИБУЛЛАГЬ,Я АЛЛАГЬ Я АЛЛАГЬ Я РАСУЛУЛЛАГЬ,
Я  АЛЛАГЬ Я АЛЛАГЬ Я САЙИДУЛЛАГЬ,Я АЛЛАГЬ Я АЛЛАГЬ Я ЩАФИЮЛЛАГЬ,
Дур щафаг1ат нижей камизе тоге.

Сидрат Гамзатханова

Добавить комментарий